fimmtudagur, 25. desember 2008

Dönsk jól

Jólin hér í danaveldi hafa verið ansi séstök, skemmtilega sérstök og margt sem íslendingurinn gæti tekið upp.
Dæmi: Hér loka flest allar búðir kl. 20:00 á Þorláksmessu a.m.k. í Kringlunum og opna ekki aftur fyrr en 27.desember. Þannig að maður var bara búin að öllu verslunarveseni fyrir kl.20:00. En það var eitt sem við tókum eftir á meðan að við vorum að versla. Í nokkrum búðum var mannskapurinn að taka niður jólin og skreytingarnar. Hér eru nefnilega jólin búin á laugardaginn. Þá henda allir jólatrjánum og skrautinu. Við fjölskyldan eru ekki hlynt því og munum hafa okkar skraut fram á þrettánda.
Dæmi: Messan á aðfangadag er annað hvort l. 14:00 eða 16:00. Algjör snilld dyrir okkur sem viljum fara í messu og upplifa frekari hátíðleika. Fjölskyldan fór s.s. í danska messu kl.14:00 og þó að þeir syngju ekki Heims um ból í lokin var þetta mjög hátíðlegt. Presturinn var greinilega mjög fyndin, a.m.k. hló fólk mikiðundir ræðunni. En við skildum ekki neitt og allir nema ég og Helena sváfu. Við fórum líka í messu á jóladag, og þá skildum við allt enda var hún íslensk. Mjög skemmtilegt þar sem Stefán „bekkjarbróðir“ var að skíra litlu stelpuna sína, hana Freyju Rakel. Þarna voru því fleiri „bekkjarsystkyni“ og makar.
Annars er þetta búið að vera ansi hefðbndið hjá okkur, hamborgarahryggur, hangikjöt, jólapakkar og mikil, mikil gleði. Það sem skyggði helst á gleðin er ástandið heima. Heilsan hjá pabba fer ekki batnandi og síðan var Beggó bróðir lagður inn akút á mánudaginn þar sem hann var lífgaður við og verður nú að liggja inn alla hátíðarnar undir eftirlit þangað til að hann kemst í hjartaaðgerð. Þannig að hugurinn var og er óneitanlega heima hjá þeim.
En til ykkar sem lesa þetta blogg hjá okkur, þá sendum við okkar bestu óskir um Gleðileg jól og að hátíðin færi ykkur öllum hamingju og munið að njóta stundarinnar með öllum þeim sem skipta okkur máli.





föstudagur, 19. desember 2008

Klipptir




Jæja strákarnir fóru í klippingu, og það bara meiri að segja, svolítið síðan.


Hvernig finnst ykkur? Heiða viltu lokk?

miðvikudagur, 10. desember 2008

Hárin í innra eyranu

Í síðasta pósti þá googlaði ég til að finna mynd af rauðvíni og myndinni fylgdi líka þessi skemmtilega tilvitnun í einhverja snilldar rannsókn. Heynin hjá mér hefur nefnilega hrakað ansi mikið undanfarið þannig að ég er búin að þurrka rykið af heyrnatækinu mínu. Þannig að nú ætla ég að huga að hárunum í innra eyra og fá mér meira rauðvín.

SKÁL!

RED WINE CAN STOP YOU FROM GOING DEAF!!!!

Too loud? Sorry. Scientists now say red wine can stop you from going deaf. 

While it's been known for some time that it (in moderation): is good for your heart; can ward off colds; and strengthen your immune system — now Dr. Jochen Schacht in America tells New Scientist magazine (via SKY News) that moderate amounts of red protect the delicate hairs in the inner ear. Experiments found antioxidants in red wine, like green tea, "neutralized chemical agents that attack the hairs.

"It certainly can't hurt to increase the amount of red wine or green tea you consume," the good doctor said.
http://images.google.is/imgres?imgurl=http://news.thomasnet.com/IMT/archives/Red%2520wine%2520can%2520stop%2520you%2520from%2520going%2520deaf,%2520researchers%2520say.jpg&imgrefurl=http://news.thomasnet.com/IMT/archives/2006/05/light_friday_insobot_hybrid_bear_red_wine_deafness.html&usg=__TWfsYf4Zbht_e2KBYt4ntbIIliw=&h=450&w=297&sz=11&hl=is&start=8&tbnid=RWCOoUcpwV5MtM:&tbnh=127&tbnw=84&prev=/images%3Fq%3Dred%2Bwine%26gbv%3D2%26hl%3Dis%26sa%3DG

Þegar að andinn hefur yfirgefið mann.....

Sit hérna í sorg og sút. Ég er andlaus. Gjörsamlega andlaus. Bara þykk heiðarþokan í kollinum og enginn von á að það rofi neitt til á næstunni. Engar hugmyndir, engin hönnun, bara ekkert. "Sukk...." Atvinnuleit, krakkarnir mínir að koma, jólaundirbúningur, .... o.fl eiga hug minn allan. Sérstaklega krakkarnir mínir. "Oh..."  mikið hlakka ég til.  En það bólar ekki á neinum hugmyndum. Það er bara eitt að gera í stöðunni, fá sér rauðvín. 

SKÁL!

þriðjudagur, 9. desember 2008

Eldra settið



Jæja nú styttist í að eldra settið komi út til okkar sem verður í næstu viku. Yngra settið og foreldrarnir erum að deyja úr tilhlökkun. Mikið rosalega verður  gaman að knúsa þau og kreista. Þessar myndir var tekin daginn áður enn að við fórum út. Ég vil benda á hvað hve vel klipptir allir eru á myndinni.

 Þessi mynd var tekin núna í kvöld og ég veit ekki..... Hvað finnst ykkur, þurfa þeir klippingu?


sunnudagur, 7. desember 2008

Uppáhaldsgata

Ég er búin að finna uppáhaldsgötu eða götur í Köben. Örugglega ekki þær einu. þessar eru alveg magnaðar. Við Sankti Páls kirju,  í nágreni við Jónshús. Göturnar svo gamlar að það var vont að ganga á hellulögninni. Húsin svo skemmtilega skökk og lífræn.  Og aðeins neðar var gata með alveg einstakelga vel uppgerðum húsum. Falleg gata. Fallegar götur. Mikið af gallerýum og listamanna-vinnustofum. Á eftir að skoða þetta hverfi mun betur.

Læt fylgja með myndir af okkur Viktori þar sem að við vorum á svona föndurdegi í skólanum. Sniðug hugmynd, bekkurinn hittist með foreldrum og föndraði saman. Þannig var það með alla bekki í skólanum. Og þessi gamla bygging ilmaði af greni og piparkökum saman við gömlu fúkka-timbur-reyklyktina.  






sunnudagur, 23. nóvember 2008

Skippy, the Bush Kengoroo

já talandi um flash back...... Man eftir mér 6, 7 eða 8 ára sitjandi í stofunni í Njörvasundinu horfandi stjörf á hrikaleg ævintýri sem kengúran Skippý lenti í. Klikk!! Sitjandi við eldhúsborðið í Njörvasundinu teikna mynd af Skippy og sendi það síðan í samkeppni um nýja sparibauka hjá Útvegsbankanum gamla. Vann ekki!!! Klikk!!!

Já  svona myndir fóru í gegnum hugan þegar að ég sá sjónvarpið á laugardögum. Þeir eru nefnilega að sýna Skippý hér í sjónvarpinu. Stórkostlegt. Og það sem er skemmtilegast er að Helena stelpan mín litla er alveg hugfangin af þessum eldgömlu þáttum. Og á laugardögum er núna sungið: Skippý...Skippý....Skippý the Bush kengoroo....lalalaa..... Alveg magnað!!!!

föstudagur, 21. nóvember 2008

Það eru fleiri en Berglind systir sem eiga Mustang......


Eitt af því sem að maðurinn minn gerir svona á mili þess sem að hann fer um og sækir um vinnu, er að hirða reiðhjól sem að hann sér hér inn í runnum eða í hrúgum einhvers staðar. Þetta eru bara hinir ágætustu reiðfákar, sem að vísu þarf aðeins að ditta að. Einn daginn þegar að ég kom heim, kallar hann mig út og segist ætla að gefa mér svolítið. Og viti menn, þarna á planinu var líka þetta glæsilega reiðhjól. Vantaði að vísu standarann, karfan var laus og handbremsan var óvirk, en það sem skiptirmestu máli er að þetta er Mustang og því til sönnunar er hér mynd af þessum eðalfák. Þetta er að vísu ekki Mustang ´66 eins og hún systir mín fékk í afmælisgjöf frá manninum sínum en samt...... Verð að vísu að taka það fram fyrstu vikuna sprakk svona eins og 6 sinnum á aftur dekkinu. Pálmi var farin að hjóla á eftir mér í skólan með pumpuna og bæturnar og gerði við hjólið á hinum og þessum götuhornum. Það kom síðan í ljós að smá glerbrot leyndist í dekkinu sem var orsökin að öllu saman. Núna virkar það fínt og ég þeytist um Kaupmannahöfn á Mustangnum......................



þriðjudagur, 18. nóvember 2008

Ég er á lífi og prútta ekki........

Jæja, hélduð þið að ég væri bara hætt? Pálmi mættur og bara endalaus þögn? Ó nei, ég er hérna ennþá og þið sem þekkið okkur vitið að það er aldrei þögn í kringum okkur.

Búið að vera mikið að gera hjá litlu fjölskylduni á Axel Heides Gade. Verst er þó að Pálmi er ekki ennþá komin með vinnu, það er sótt um á öllum vígstöðum en þetta er mikil "ferla" þjóð. Allt hefur sinn feril!!! Allt tekur sinn tíma og bla...bla... My ass En við horfum bjartsýn fram á veginn.........

Lífið í Köben er bara kalt og blautt þessa dagana en maður kvartar samt ekki því veðrið er búið að vera alveg frábært. Og nú eru jólaskreytingarnar komnar í Tivolí, að vísu ekki búin að fara þangað inn en sé innum grindverkið öll ljósin. Magnað! Og nágrannarnir komnir með jólaséríuna á svalirnar. Hver segir að við íslendingar séum jólaljósaskreytinaóðust allra!!!!

Og ég er búin að komast að því hvað prutta þýðir. Segjum bara að þú pruttar ekki við kaupmenn hérna nema að þú sért eitthvað kínkkí.

sunnudagur, 2. nóvember 2008

Pálmi er kominn

Já Pálmi er kominn!!! Og skemmtanagildið í blokkinni hefur slegið öll met eftir að hann kom. Annars er hann komin með nýtt áhugamál, en það er að gera upp gömul hjól. Eigum öruggleg hjól handa allri fjölskyldunni þegar að hún sameinast um jólin og gott betur en það.


Það er búið að fara víða og sækja um vinnu og verður örugglega ekki langt þangað til að það skili einhverju fljótt. Menn ganga nú samt ekki hérna inn af götunni og í vinnu. Allt hefur sinn feril, umsóknir og mikil skriffinnska.

Annars fyrir þau ykkur sem ekki vita, þá opnar jóla-Tívólíið 14.nóvember og verður fram til 31.desember.

sunnudagur, 26. október 2008

Handboltamót stelpna, algjörir snillingar

Helena keppti á sínu fyrsta handboltamóti hér í Danmörku. Mótið var í Hellerup, og var hin mesta skemmtun. Þær eru alveg yndislegar þessar stelpur, algjörir snillingar. Ekki kannski alltaf með einbeitinguna á boltanum. " Vá en flottir skór. Hvað ertu með í hárinu? Flott spenna. Bíddu er markið í þessa átt?" Annars voru þær mjög flottar og liðið hennar Helenu vann alla sína leiki!!!

föstudagur, 24. október 2008

NÝJUSTU FRÉTTIR....................

Pálmi er að flytja út til okkar!!!
Hann kemur á þriðjudaginn og hlakkar okkur alveg óstjórnlega til. Það verður æðislegt að fá hann. Við krakkarnir erum frekar óörugg, með þessa blessaða nágranna á móti okkur.
Þau hafa núna í tvígang reynt að koma hingað inn hjá krökkunum, þegar að ég er ekki heima, biðja um að fá lánað hitt og þetta, penna, panódil o.fl. Í gær morgunn hringdi bjallan kl. 7:30, einn frekar blekaður að spyrja mig hvort að ég ætti sígarettu. Djöf....fannst mér það óþægilegt. Maður þorir varla að fara ein í sturtu á morgnana. Síðan var hringt síðar um daginn, sami gaur, ennþá blekaðri og nú spurði hann um síma. Ég veit ekki hvað þau halda um okkur, því við eigum aldrei nokkurn skapaðan hlut sem þau biðja um. Helena þorir ekki að vera ein heima vegna þessa, er alltaf á nálum að þau hringi nú á dyrabjöllunni. En ég læt eins og ekkert sé, er þessi svellkalda mamma sem hræðist ekki neitt.. ........ Já einu sinni var alltaf gaman að heyra í dyrabjöllunni, einhver að koma í heimsókn en núna kvíðir maður fyrir því að hún hringi.
Það verður því æðislegt að hafa hann hérna hjá okkur. Gott að fá eitthvað hlýtt til að hrjúfra sig upp að. Börnin fá þá aðeins frið fyrir kúrandi mömmunni.

þriðjudagur, 21. október 2008

....I am not happy for those of you who turned up

Mætti í tíma í morgunn, en viti menn, kennarinn mætti ekki. Hann hafði gleymt því að það væri tími. Alveg magnað!!! Oh.. ég er kennari en ég gleymdi að ég á að kenna oh.... EN ókei, hann hefur bara haft eitthvað mikið að gera og svona getur gerst. En síðan kórónaði hann þetta alveg með að senda okkur póst, þar sem að hann segir.....


Hi All
I am sorry to cancel these two lectures today, and I am not happy for those of you who turned up.

best regards,
................

Hann var sem sagt ekki glaður með þá sem að mættu í tímann.........

En nei þetta var allt í lagi, bara svo skondið að lenda í þessu. Og síðan þessi kostulegu samskipti við annað fólk á öðru tungumáli. Auðvitað var hann greyð miður sín og þótti þetta sérstaklega leitt vegna þeirra sem mætu í tíma. Hann orðaði þeta bara svo skemmtilega.......

mánudagur, 20. október 2008

Að hjóla

Ég hef nú áður skrifað um hjólamenninguna hér í Köben og baráttu minni við þennan eðalfák. Og ég get sagt ykkur það að nú er þetta bara gaman. Búin að sigrast á „brekkunni“, fer framúr þeim sem ég vil og er ekki sveitt eins og rússneskur járnsmiður á heitum sumardegi, við átökin. Bara frábært. Það er þó alveg magnað að horfa á suma; reykjandi og með GSM símann undir vanganum á fleygiferð í umferðinni. Eða þá að senda SMS. Sjá frétt: http://politiken.dk/indland/article585604.ece

Og svona í lokin. Þá var það í fréttunum í kvöld að ferðir til Íslands eru afar vinsælar hér í Danmörku og nú flykkjast þeir heim til að versla. Það er svooooo ódýrt að versla þar!!! Og sjá frétt: http://tgt.dk/inspiration/tema/sparetips/article54147.ece?trackId=pol_front_art

fimmtudagur, 16. október 2008

Atvinnuskapandi

Sá eitt alveg magnað og kostulegt í rokinu og rigningunni í gær. Eins og þið getið e.t.v. gert ykkur í hugalund þá eru ansi mörg tré hérna í Köben, stór og íburðarmikil og með alveg fanta stórum laufum sem liggja nú um allt á götum og ganstéttum þetta fallega haust.

Hjá Tivóli var sem sagt maður, merktur Kaupmannarhafnar borg að blása á laufin með þar tilgerðu blásturstæki. Veit ekki alveg hver var tilgangurinn en..... Laufin voru mörg hundruð trilljón, billjón þarna á gangstéttinni og blessaður maðurinn hammaðist þarna með blásturstækið sitt, á einu laufblaði, sem var velklesst ofan í stéttina sökum mikilar bleytu. Loksins losnaði það og rokið greip í það og feikti því í allar áttir og sama hvað maðurinn reyndi þá hafði vindurinn yfirhöndina og laufblaðið lenti sjálfsagt hinum megin á gangstéttina og klesstist þar niður í malbikið. Maðurinn snéri sér að næsta laufblaði sem ég býst við að hann hafi með tíð og tíma náð að losa. Hann er kannski að ná þetta um 30 - 40 laufblöðum á klst.

Þetta er kannski ekkert ósvipað því sem er að gerast í fjármálaheiminum. Þó að þetta sé eitthvað svo vonlaust þá er það alla vega atvinnuskapandi..........

miðvikudagur, 15. október 2008

Hugsanir á hjóli á leiðinni heim

Á leiðinni heim úr skólanum fer ég í gegnum miðbæinn og oftast þá er maður með allan hugann við umferðina sem er ansi mikil á fjölmörgum gatnamótum sem þarna eru. Í dag þá hjólaði ég framhjá slysi, á einum af þessum gatnamótum, tveir fólksbílar í klessu. Lögreglan var búin að girða staðinn af þannig að ég leiddi hjólið þarna framhjá og leit yfir aðstæður. Þarna var sjúkrabíll, tveir menn að hlúa að einhverjum á börunum.Engin hreyfing. Rétt hjá var lítið barn, 2-3 ára og fjórir fullorðnir menn, í uniformum, að tala við það. Barnið horfði á þá stórum augum, einn af öðrum, sagði ekki neitt en nikkaði nokkrum sinnum. Engin hreyfing á börunum. Vitið þið..... það er ekki laust yfir, að það hafi aðeins nætt um mig þarna í rigningunni.

Það fyrsta sem ég gerði þegar að ég kom heim var að skrifa 2 símanúmer á blað, sem krakkarnir verða að vera með á sér þar til að þau fá síma.

mánudagur, 13. október 2008

.......og nú er það síminn hennar Helenu

Já áföllin stór og smá halda áfram að dynja yfir litlu fjölskylduna í Köben. Nú var það síminn hennar Helenu litlu, hún missti hann í klósettið. Þannig að nú er hann ónýtur. Á einhver GSM síma í skúffunni sem að hann er ekki að nota..................

sunnudagur, 12. október 2008

Hjólinu hans Viktors stolið.....

Já eins og ástandið sé ekki nógu slæmt. Hjólinu hans Viktors var stolið í skjóli nætur og hef ég ýmsa grunaða þó ég geti auðvitað ekkert sagt neitt um það. Kallinn minn litli var mjög sleginn yfir þessu, hafði læst því og allt, en samt var það tekið. Það er bara ekert öruggtut .......

fimmtudagur, 9. október 2008

... og svona í lokin áður en ég fer í háttinn...

Þessi málsháttur var hérna á síðunni í dag. Alveg fanta góður

Age is a question of mind over matter.
If you don't mind, it doesn't matter.
Satchel Paige

LÍN

Aðeins um námslán. Ég var að spjalla við einn sænskan samnemanda minn og hún sagði mér að auk þess að vera á námslánum þá fá sænskir nemar styrk, ca. 3.000 DK á mánuði og hún hélt að danskir nemar fengju 5.000 kr. á mánuði, fyrir utan námslánið. Við fáum 17% yfirdrátt. Magnað!!!!!

Lífið kemur manni sífellt á óvart......

Er alveg á því að ég sé í rétta náminu. Alla vega er ég fegin að vera ekki í viðskiptafræði, þeir eru að klikka á einhverju í kennslunni þar, ef marka má atburði síðstu daga. Annars neita ég að taka þátt í bölmóðssöng hér í þessu bloggi. Guð hjálpi Íslandi - kórinn verður að eiga einhverja aðra talsmenn. Segi bara að ég hef mikla samúð með öllum almenningi sem er að tapa peningunum sínum og sparnaði, og óska þess að þessi holskeifla gangi bara fljótt yfir og lífið komist á eðlilegt ról á ný.

Þangað til, hringjum, skrifum eða heilsum upp á vini og vandmenn. Þeir eru hin raunverulegi fjársjóður...........

mánudagur, 6. október 2008

Ef ég væri forsætisráðherra Íslands 2008......

.... þá myndi ég sleppa því , að geta þess, í ferilskránni minni.

sunnudagur, 5. október 2008

Námið

Fólk er ef til vill að velta því fyrir sér hvað ég er að gera hérna? Jú flest ykkar vitið að ég er að læra landslagsarkitektúr, en hvað er það.? Það er ansi margbreytilegt nám og væri kannski bara best að segja hér frá námskeiðunum sem ég er að taka .

Þessa fyrstu önn er ég í kúrs sem heitir Terrain and Technology in Landscape Architecture . Þar erum við að læra á forrit sem gerir okkur kleift að vina með landslagið, fyrir og eftir hönnun, í 3 vídd og gera alls kyns greiningar. Höfum gert tvö verkefni . Það fyrsta, þar sem að við vorum að gera alls kyns greiningar; vatnsbúskap, hæða- og hallagreiningu, skoða jafnvægið á milli skurð (cut) og fyllinga (fill) o.f .


Síðan gerðum við verkefni þar sem við unnum með fráveitu vatns og vatnsbúskap (Storm Water Management) Veit ekki alveg íslensku þýðinguna núna. Þar áttum við að hanna eitthvað sem tæki við yfirborðsvatni á ákveðnu svæði. Valið stóð um ýmsar lausnir, allt frá setlaug upp í svokallað WADI, sem ég gerði. Það er víst best að láta myndirnar tala, þó svo að ég sé ekki alveg sú besta í faginu... ennþá ....................

laugardagur, 4. október 2008

Haustið

Ég er alveg heilluð af haustinu hérna, sérstaklega af þessari klifurplöntu sem haustar sig alveg ótrúlega flott.




Og hún kemur bara beint upp úr gangstéttinni





Þessi bygging er á Bergthorasgade, alveg magnað!!




föstudagur, 26. september 2008

Flott hús





Rétt hjá Jónshúsi eru þessi flottu hús. Ég veit ekki hvaða hús þetta eru , er svona að geta mér það til, að þetta gætu verið gömul verkamannahús, eins og á Hringbrautinni. Þau eru ótrúlega skemmtileg, og gaflarnir taka svona skemmtilega sveig í takt við götuna. Eru þannig ekki hornrétt, frekar skökk og skemmtileg.











fimmtudagur, 25. september 2008

Viktor á afmæli í dag!!!

Litli strákurinn minn er núna orðin stór og komin með fyrstu 12 ára bóluna. Magnað!!! Hann var vakinn snemma í morgun með afmælissöng okkar Helenu og gjöfum. Hann fór síðan með köku í skólann. Eftir fótboltaæfinguna í dag fórum við síðan í Fisketorvet, þar sem að hann skipti gjöfinni í nýja leiki og síðana enduðum við á MacDonalds. Núna á ég tvo stóra stráka, eina stóra stelpu og eina litla stelpu. Þau vaxa svo fljót úr grasi, en það er merkilegt að mér finnst ég ekkert eldast.........

miðvikudagur, 24. september 2008

Sérsveitin og sígaunarnir

Nú verð ég bara að blogga. Ég átti nefnilega alltaf eftir að segja frá nágrönnum mínum, sem búa hér beint á móti mér á hæðinni, sígaununum. Þetta er heljarinnar fjölskylda, ég veit í raun ekki hve mörg þau eru, enn þetta eru a.m.k. 2 ungabörn, tveir krakkar og einhver slatti af ungu fólki og fullorðnum og síðan vinir og aðrir áhangendur. Mér skilst á Arnari og Helgu að þetta þau séu í einhverjum smáglæpum, en óttalega vitlaus. Stálu víst hjóli hér frá nágrannanum, breyttu því eitthvað smá og seldu síðan öðrum nágrana það. Lögreglan er víst tíður gestur hjá þeim út af einhverjum málum, en frá því að við komum hefur verið rólegt hjá þeim. Alla vega höfum við ekki orðið neitt verulega vör við þau, nema þegar að við hittum einhvern þeirra á ganginum, þá eru þau alltaf að sníkja eitthvað. Að vísu lentu krakkarnir i krökkunum, 4-5 ára guttar sem réðust á fjarstýrða bílinn hans Viktors og spörkuðu í hann og djöfluðust. En í dag dró til tíðanda.......

Við Arnar og Helga vorum sem sagt að skipta um slöngu á hjólinu mínu, beint fyrir framan svalir sígaunana. Fórum inn mé dekkið og Arnar var að kenna okkur Viktori listina við að skipta um dekk. Þá kemur Helga og segir að sérsveitin sé fyrir utan húsið og sé að vakta íbúðina. Og mikið rétt, út á gangi voru tveir sérsveitarmenn með svona sleggju til að brjóta upp hurðir og einhverjir fleiri úti. Við vorum spurð hvort að við hefðum orðið var við einhverjar mannferðir í íbúðinni, sem við svöruðum neitandi. Þetta ástand varði í örugglega klukkustund. Það kom þó ekki til að þeir þyrftu að brjóta upp hurðina, heldur kom einhver lásasmiður sem opnaði hurðina og allir fóru inn. Og að lokum fóru allir sérsveitarmennirnir í burtu og við vitum ekki meir. Stuttu síðar fórum við út í búð og þá kom stelpa út úr íbúðinni. Þannig að maður veit ekki hvort að þær voru heima allan tímann eða hvað. Alla vega var okkur nokkuð brugðið við þessu öllu saman eins og hinum nágrönunum og var maður fegin að það varð engin hamagangur. Ég vona bara að þetta verði ekki reglulegt og ætla halda áfram að síkreta þau í burtu. Á meðan er það aðferðin hans Pálma, „Kill them with kindness“........................

þriðjudagur, 23. september 2008

Matarhlé







Hér erum við nokkrir félagarnir í hádeginu, í bakgarði skólans. Virkilega hugglegt. Á meðan að ég sat þarna fór ég að velta fyrir mér byggingunni og hafði orð á því að það liti út eins og geðsjúkrahús. Og vitið hvað....... þetta var einu sinni geðsjúkrahús. Alveg magnað!!!!

mánudagur, 22. september 2008

Haustið


Hér kom haustið 15.september. Bara búmm! Alveg magnað!!! Og ég tók fyrst eftir því á klifurjurtum ( ætla ekki að tegundagreina það hér á netinu :) ) sem klifra hér upp úr gangstéttinni bókstaflega og leggjast utan á húsin. Og stundum er þetta svolítið kreepý, minnir mann á bíómyndina, Innrásina frá Mars með Dakota Fanning ( Tom Cruise var eitthvað að slubberast þarna líka). Tréð verður eldrautt, eins og æðar utan á húsinu. Ég er viss um að höfundur sögunar hefur fengið hugmyndina að hausti! Ég tók eina mynd á hlaupum um daginn en mun bæta við fleirum hérna, af þessu magnaða hausti..........................

laugardagur, 20. september 2008

Axel Heides Gade 24

Nokkrar myndir frá heimilinu okkar











Barnaefni í sjónvarpinu

Barnaefnið er í sjálfu sér ekkert öðruvísi en á Íslandi nema......... einn danskur þáttur. Hann er með svona þáttastjórnanda sem er með margvís konar meðhjálpara í formi brúðukalla sem koma með svona innslög af ýmsu tagi. Ég settist niður um síðustu helgi með kaffibollann minn þegar að eitt af þessum innslögum var að fara í gang. Þetta var um einhvern einmannalegan kall á skrifstofu, já hálfsköllóttan með hárkraga og var eitthvað að barlóma sér, að enginn skildi hann og að hann ætti sér leyndmál sem hann væri hræddur um að starfsfélagarnir kæmust að. Síðan kom leyndarmálið! Hann elskaði nefnilega að klæðast kvenmannsundirfötum. Og nú fór í gang mikið videó, þar sem sýndar voru myndir af þessum hálfsköllótta brúðukalli í brjósthaldara og nærbuxum að velta sér uppúr satin-sængurverum syngjandi um frelsið, að klæðast kvenmannsundirfötum. Ég leit á klukkuna, jú hún var 9:30 og þetta var barnatíminn-- Síðan heldur söngurinn áfram, og kallinn er kallaður inn á teppið já yfirrmanninum sem hafi komist að einhverju um hann og þurfi að ræða við hann. Þá kemur í ljós að hann hefur líka svona mikla þörf að klæðast kvenmannsundirfötum og saman syngja þeir með glas í hendi og á brókinni og brjósthaldaranum um þessa gleði sína. Og ekki nóg með það ALLIR á skrifstofunni taka þátt og allir hafa þá þessa miklu þörf og skrifstofan fyllist af köllum í kvenmannsnærfötum, syngjandi af gleði. Tek það fram að það var bara einbrúða í þessu innslagi, hitt voru allt lifandi kallar af ýmsum stærðum og gerðum. Stórkostlegt!! Það er enginn nema Daninn sem gerir svona barnaefni. Og hver var lærdómurinn af þessu öllu saman? Veit ekki alveg, kannski að maður er aldrei einn í heiminum, með einhverjar kinkkí þarfir, en þetta gerir alla vega hugsunina um skrifstofukalla mun skemmtilegri.
Ég fann þennan þátt, hér er slóðinn á þessa brúðu kalla http://www.dr.dk/dr1/Gepetto+News og þátturinn er undir 3, og heitir BABS 3 Ugens 2'er.

Skjáumst fljótleg.
Ragna og co

miðvikudagur, 17. september 2008

Hjólað í skólan

Já hér eru allir á hjóli í Kaupmanahöfn og mikil hjólamenning. Mjög ákveðnar umferðarreglur, sem ég á erfitt með að fara eftir enda fæ ég reglulega pílur frá samfarþegum mínum í umferðinni. En þetta er allt að koma hjá mér og ég hjóla ekki eins mikið á gangstéttinni eða á móti umferðinni og ég gerði fyrstu dagana.

Ég hef sett mér markmið og það er að ná að hjóla í skólan án þess að deyja á leiðinni. Ég veit að þetta er bölv... aumingjaskapur en svona er bara ástandið á minni í dag!!! Ákveðnir vöðvar í lærunum eru bara óhóhó..... "hvað er þetta, er verið að vekja okkur til lífsins núna, og bara taka á því" með tilheyrandi verkjum. Þetta er að mestu flatneskja alla leið nema yfir brúnna, þar er halli sem er alveg að drepa mig. Það er kannski ekki bara hallinn, heldur er nánast alltaf hávaða rok þarna þannig að maður er stundum nánast stopp, eða mér finnst það. Það er nefnilega þessir vindstrengir sem koma á ákveðnum stöðum sem eru að gera mér lífið leitt á hjólinu og ég ætla mér að vinna á. Og ég skal komast framúr einhverjum, áður langt um líður og byrjum á gömlu konunni í pilsinu, með hattinn!!!!

mánudagur, 15. september 2008

Ragna og tilboðsblöðin

Um helgar fyllist póstkassinn minn af tilboðsblöðum frá hinum og þessum verslunum. Og þá á maður að sejast niður með blöðin og kaffibolla og fara yfir tilboðin og skrái niður hvar eru nú bestu kaupin á tómötum, skinku, WC papír o.s.frv. Okei, ég get þetta. Síðan á maður að fara á milli þessara staða, á hjóli auðvitað, og versla hagkvæmlega inn. Ég er ekki komin á þetta stig ennþá en ég á þó listann!!! En eins og að ástandið er á krónunni og mörkuðunum í heiminum er eins gott að komast fyrr heldur en seinna á það stig svo maður lifi þetta af hérna. Maður verður þó að hætta að bera þetta saman við íslensku krónuna , það ruglar mann bara.

En aftur að tilboðsblöðunum. Þau eru nokkuð skondin sumhver. Matvöruverslanirnar sérstaklega. Þessa vikuna er einmitt tilboð á flyglum og píanóum í einni matvörubúðinni, einmitt það sem maður grípur með sér í körfuna ásamt gúrkunni og mjólkinni. Og í fyrr í mánuðinum voru tilboð á hestaklæðnaði, bæði fyrir knapa og hest; hestateppi, úlpa, buxur, stigvél og hvað eina. Var að hugsa um að fjárfesta í þessu, þetta var á svo djöf... góðu verði. Bíð eftir að hesturinn komi á tilboði næsta blaði!!!!

sunnudagur, 14. september 2008

Gleðileg helgi

Það er ekki lognmollan hjá okkur þremenningunum hér í Köben. laugardagurinn byrjaði í Jónshúsi, fyrsti tíminn hjá krökkunum í íslensku. Þeim líkaði þetta vel og þótti mjög gaman. Þeim þótti þó skrítið að þarna voru íslenskir krakkar sem töluðu ekki íslensku og skildu hana líka illa. Eftir Jónshús var farið til Holte, en þar býr Birgir og fjölskylda en hann er einn af íslendingunum í bekknum. Haldin var grill veisla og var virkilega gaman að hitta krakkana og fjölskyldur þeirra. Allt afskaplega skrítið og skemmtilegt fólk, sannir íslendingar!!!

Á sunnudaginn kom síðan Sigrún Baldurs vinkona, Emil og Baldur sem er í skiptinámi hér í Köben. Voru þau að heimsækja hann. Mikið var gaman að hitta þau og fá fréttir að heiman. Þau eru öllum hnútum kunnug hér og bentu mér á að kíkja á safn, Degsign Denmark held ég að það heiti og verður það sett á aðgerðarlistann góða.

Annars er maður ekki alveg komin inn í rútínuna hér. Ég var ekki búin að átta mig á því að það er allt lokað hér á sunnudögum, nema ein Nettó búð sem er á Amagerbrogagade. Og þá er ekkert annað í stöðunni en að hjóla þangað og versla þegar ísskápurinn er tómur!! En það er bara góð hreyfing. Það er s.s. allt lokað á sunnudögum nema 1.sunnudag í hverjum mánuði, þá eru margar búðir opnar. Danir horfa nefnilega aðeins öðruvísi á hlutina en við. Heyrði eina sögu í grillinu í gær af bakara sem hætti að hafa opið á sunnudögum, því það var svo mikið að gera!!!! Ef hann væri á Íslandi þá væri búið að koma honum fyrir á hótelinu við sundin blá. En svona er Danmörk.

föstudagur, 12. september 2008

Befæstelse

Í skólanum á Hvanneyri las maður ýmsar bækur og er það svolítið skondið að vera núna í kúrs þar sem einn kennarinn er höfundur að þeirri góðu bók Befæstelse, sem er hálfgerð bíblía í landslagsarkítektúr. Og ég get sagt ykkur það að hann er ekki eins leiðinlegur og bókin. Annars er bókin kannski ekkert leiðinleg enda ekki bók sem maður tekur með sér upp í bústað og les. Heldur er þetta góð uppsláttarbók um tæknilega hluti og á eftir að nýtast vel hér og í komandi framtíð.

Og dúddinn sem skrifaði Landslagsgreiningar bókina bláu er líka kennari hér, er að vísu að hætta held ég þannig að hann missir af okkur.

fimmtudagur, 11. september 2008

Veggir dauðans................

Að bora í veggi, a.m.k. í þessum nýju íbúðum er ekkert grín hér í Danmörku. Þú þarft að hafa eitt stykki höggbor, helst alveg fanta öflugan, gommu af borum, hörkunagla og jaxl á bornum og endalausa þolinmæði!!!! Ég hef bara aldrei verið vitni af öðru eins. Ég fékk hann Eirík vin minn, jaxl með meiru að vera á bornum og þvílíkt og annað eins. Það var eins og að hann væri að bori í gegnum þykka járnplötu. 'Eg held að þeir blandi granít út í steypuna svei mér þá. Ég held að það hafi tekið hann um 5 mín að gera eitt gat og hann var sko ekkert að slaka á því. Þannig að þú gerir helst ekki neinar vitleysur, ekkert að bora bara önnur göt og þannig, Nei, nei og sei, sei. Síðan glumdi þetta ekki bara um allt hús, nei út á götu skal ég segja ykkur og örugglega
í nærliggjandi hús. Þannig að mér verður ekki boðið af nágrönnunum í nein grill hérna á næstunni.

Fótbolti í Danmörk







Jæja, Viktor er byrjaður í fótbolta og finnst það alveg frábært. Fyrsta keppnin var í dag og þetta er nú eitthvað annað en heima verð ég að segja ykkur. Hitinn og sólin var alveg hreint að drepa mann og menn voru bara að sötra bjór á meðan á leiknum stóð. Tek það fram að 11-12 ára voru að keppa. Já, já og síðan er það þegar að boltinn fer út af, þá er það ekkert grín ef að það er skógur fyrir aftan markið, og það þéttur skógur. Tók strákana dálitinn tíma að finna boltann. Og síðan var dómarinn ekkert að tvítóna við þetta ef strákarnir höguðu sér ekki vel. Það er a.m.k. í fyrsta skiptið sem að ég sé einn 11 ára fá gula spjalið og vera sendan út af í 2 mínútur. Alveg kostulegt. En þetta fór vel, okkar meginn , 6-2 fyrir okkur og Viktor skoraði mark og lagði upp fyrir 2 a.m.k. Stóð sig mjög vel!!!

mánudagur, 8. september 2008

Íþróttir og snillingar................


Jæja krakkarnir eru að byrja í íþróttum. Helena fór í sinn fyrsta handboltatíma í dag og gekk vel og Viktor er að byrja í fótbolta á morgun með félagi sem heitir Hekla, http://bkhekla.dk/. Þetta félag er búið að vera til síðan 1926.


Annars eru krakkarnir algjörir snillinga. Þau eru búin að villast hér í Köben og mér var ekki alveg um sel þegar að þau hringdu og sögðurst hafa gleymt að fara úr strætó á réttum stað og vissu ekki hvar þau voru. En þau náðu að koma sér á Hovedbanestationen, járnbrautastöðina og ná réttum vagni. Ekki alveg kjör aðtsæður en þau redduðu sér! Algjörir snillingar. Og í dag var ég lengur í skólanum alveg fram á kvöld, en við stelpurnar fengum aukatíma í Auto Cad til að koma okkur inn í það forrit. Og þessir snillingar hringdu og vildu fá leiðbeiningar um að elda sér pasta, því þau vildu ekki afgangana frá því í gær. Ekki málið! Ég vona þó að það verði ekki mikið af svona kvöldvinnu.

sunnudagur, 7. september 2008

Jónshús og IKEA




Í gær vorum við afskaplega íslesnk. Við fórum í fyrsta skiptið í Jónshús og í IKEA. Ég skráði krakkana í íslensku nám í Jónshúsi, sem verður á laugardögum. Fallegt hús og mjög fallegt safn. Keyptum okkur íslenskt vatn og Eitt Sett súkkulaði. Á leiðinni til baka komum við í Kongens have, stærðarinnar garður sem er við Rosenborgar kastalann. Við kíktum á slottið og verðina, sem voru eins og Viktor orðaði það, vopnaðir byssum og hnífum og allt. Þótti þetta frekar merkilegt. Þarna fyrir framan inngangin er stærðarinnar tré, einhver grátvíðir, rosalega fallegt. Tók mynd af krökkunum við tréið og þau eru eins og maurar á myndinni.

En síðan var það síðari íslendinga skyldan, að fara í IKEA. Er búin að vera í heilan mánuð og ekki ennþá búin að fara. Hitti Brittu sem er IKEA specialist og hún lóðsaði okkur á svæðið. Við versluðum "aðeins" og allt borðið heim í strætó og Metró og aftur strætó. Er með hendur sem ná niður á miðja kálfa í dag ! Nú vantar bara höggbor og mann á borinn til að setja upp gardínur og ljós!!!

framhald


laugardagur, 6. september 2008

Danskar lýs.......

Í gærmorgun var vaknað snemma eins og venjulega 6:35 en núna urðu morgunverkin nokkuð ólík þeim sem við vanalega gerum. Tók eftir því að Viktor klóraði sér ansi oft í hausnum þannig að ég kom með kambin ógurlega og rendi í gegnum hárið á honum. Og ó jú krakkinn komin með danskar lýs í hausinn. Þannig að ég lét hann og Helenu bara vera heima á meðan á meðferð stendur. Ég HATA lús!!!!! Mér skilst að þetta sé nokkuð mikið vandamál hérna og menn ekkert að kippa sér um of við þessu. En ég VONA að þetta verði ekki reglulegur viðburður hjá okkur fjölskyldunni!

föstudagur, 5. september 2008

Jæja reynum að blogga hérna

Jæja þá er víst best að reyna þetta blogg. Skólinn er byrjaður á fullu. Ég er í bara i einum stórum kúrs þessa fyrstu önn. Þetta er tölvukúrs, vðbótarforrit við AUTO CAD sem heitir CIVIL. Þar erum við að læra að vinna með landslagið fyrir og eftir hönnun, útreikningar á t.d. jarðvinnslu og alskonar greiningar sem tengjast breytingunni frá nuverandi firborði yfir í hönnun. Mjög skemmtilegt og gagnlegt. Inn í námskeiðið fléttast síðan inn tæknilegt og fræðilegt námsefni.

Erum með alveg frábæra bók sem fjallar um hæðalínur. Finnst að hún ætti að vera skyldulesning á Hvanneyri, því hun tekur þetta efni alveg frá grunni á mjög einfaldan hátt með góðum æfingum. Þar eru allir þessir útreikningar og formúlur sem við erum búin að vera að læra. Frábær bók. Annað sem einnig er gert í námskeiðinu er að lesa hinar og þessar greinar og hugmyndin er að nemendur taki einhverja grein, lesi hana og kynni og síðan eru umræður á eftir. Ákvað að klára þennan pakka og er búin að vera með eina kynningu, inngangur eftir Peter Walker að einni bók.
Síðan vorum við að kynna fyrsta verkefnið okkar í dag, hópverkefni og gekk það bara vel.

Ég skráði krakkana í frístundaklúbb og eru þau byruð. Þetta er mjög spennandi held ég, þarna hitta þau vonandi krakka úr hverfinu, þar sem að krakkarnir í bekkjunum þeirra búa út um allan bæ og þau hitta þau ekkert eftir skóla, a.m.k. ekki ennþá. Þarna eru alkyns dýr og ýmislegt gert með krökkunum.

Set hérna inn kort og merkti hvar við eigum heima og hvar skólinn hjá krökkunum er.